¿Qué es la transparencia?

Animazio bideoak videoscribing teknika erabilita. Dominion Digitalekin elkarlanea, Bizkaiko Foru Aldundia da azken bezeroa. Videoscribing edo videoscribe delakoa geroz eta gehiago erabiltzen den teknika da, batez ere erakunde edota enpresek azalpen bat ematea edo aurkezpen bate egitea dutenean helburu. Animaturiko grafikoak marrazten ditu esku batek off ahotsak azalpena ematen duen bitartean. Modu honetan, askoz errazagoa da ikuslearentzat mezua osorik jasotzea. Eta kontuan izan dezagun, askotan ikuslea bezero potentziala izan daitekeela.

Gardentasuanren inguruko bideo honen enkargua jasoaz bat ohartu ginen, azalpen mota hau komunikatzeko modu egokia topatu ezean, emaitza astuna izan zitekeela. Foru Aldundia bezalako erakunde batek hiritarrekin konektatu nahi badu horrelako mezuak bidaltzeko ezinbestekoa da mezua edukiontzi arin eta entretenigarri batean sartzea, ikuslea aspertu ez dadin.

Grafiko animatuen aukera adibide ona da horretarako eta bereziki videoscribe teknika entretenigarria suertatzen da; eskuak nola marrazten duen ikusteak erakarri egiten du aurrean daukana. Estilo hau mezu arin eta freskoarekin bateratuz gero, erakundearen irudia ere hobetzera heldu daitekeen erabakia izan daiteke.

Bideo honetan storyboard eta edizioa Larraitz Zuazoren lana izan dira. Ilustrazioa aldiz Ander Mendiarena da, Begiraren kolaboratzaileetako bat ilustrazio edo animazio lanen inguruan, hain zuzen ere. Zuria, beltza eta gorrira mugatzea erabaki genuen kolore paleta Bizkaiko Foru Aldundiaren korporazio gamarekin bat eginez. Off ahotsa Itxaso Quintanarena da; ahots fresko eta arina bideoen estiloari jarraki.