OLENTZERO 2017

2017ko Gabonen bezperan, Bilboko udalaren eskutik heldu zitzaigun enkargua. Abenduaren 23an Olentzerok Bilbon egingo zuen agerraldira familiak gonbidatu eta animatzea zen helburua bideo formatuan.

Hortzmuga Antzerki taldearekin elkarlanean, hiru ataletan banatuko zen historioa proposatu zitzaion Udalari. Horrela, Gabon bezperetan, banan banan argitaratuko ziren atalak sare sozialetan, familiengan ikusmira eta irrika sortuz, hurrengoan zer gertatuko ote zen. Hare gehiago, historioaren bukaera ulertzeko, ezinbestekoa izango zen, 23an bertara hurbildu eta norberak ikustea zer gertatzen zen.

Hortzmuga zuzendaritza artistikoaz arduratu zen eta Begirak irudiaren inguruko lantaldea osatu zuen proiektu honetarako: Larraitz Zuazo errealizazio eta edizioan. Grabaketak pare bat egunetan egin zirenez, batean Berde Produkzioak taldeko jendea izan zen argazkiaren arduraduna eta bestean Juantxu Beloki. Elena Galdizek hartu zuen ekoizpenare ardura.

Irudiaren postprodukzioa lantzerako orduan, atmosfera magikoa sortzea zen helburua. Koloreen saturazioa eta irudiaren tratamendu indartsuarekin jolastu genuen horretarako.

Azkenik, Ibon Agirreren lana da edizioa laguntzen duen musiken grabaketa eta edizioa.