TELEBISTA

MUNDUKO PLAZAN

Euskal Telebistarentzat ekoiztutako bidaia sorta

Munduko plazan 2021ko udaberrian ekoiztu eta grabatutako sei kapituloko bidaia sorta izan da.

ETB1en, prime time ordutegian (22:30etan), emititu da iraila-urria bitartean.

Munduko plazan ez da soilik bidaia saio bat izan, izan ere, munduko txoko ezberdinetan bizi diren euskaldunen bila joan gara, beraien begietatik bizi duten hiri hori hobeto ezagutzeko asmoz. Bertan bizi diren euskaldunek gainera planak proposatu dizkigute, hirietan bertan egin beharreko bisitak, jan beharreko jakiak ala ezagutu beharreko txoko kutunak deskubrituz.

Varsovia eta Krakoviara, Mexiko Hirira, Atenasera, Istanbulera, Lisboara eta Zurichera abiatu gara eta bertako soinu, usain eta koloreak bildu ditugu, ordubeteko iraupena izan duen programa bakoitzean.

Berebiziko zailtasuna izan du produkzioak pandemia bete-betean zegoenean mundu zabalera bidaiatu garelako.

Lan taldeari dagokionez, Ane Rotaetxe izan da saioaren zuzendari, Markel Suarez errealizadore eta Leire Palacios aurkezle. Produktore eragilea Larraitz Zuazo izan da.

Kamara lanetan Nere Falagan eta Mikel Villegas aritu dira eta edizioan berriz Iker Maguregi eta Jon Gandasegi. Erredakzio lantaldea Ana Iruretagoyenak eta Lorea Perez de Albénizek osatu dute.

Sare sozialen ardura Nagore Murielena izan da.

Munduko plazan telebista saioa BEGIRA PROODUKZIOAK ekoiztu du DOXA PRODUCCIONES eta BERDE PRODUKZIOAKekin kolaborazio estuan.