Gure Esku Dago

2015eko udaberrian Gure Esku Dago ekimenak enkargua proposatu zigun spota egiteko. Ekainaren 21ean hiriburuetan egitekotan ziren ekitaldietara jendea erakartzea zuen helburu proiektuak. Kanpaina jostearen eta elkarlanaren inguruan aritu zen ordurarte eta spotak ere hildo beretik jarraitu behar zuela pentsatu genuen. Denon arteko lanaren ideia indartu behar genuen beraz. Gidoi lanetan aritu ginen Gure Eskuko Komunikazio lantaldearekin batera. Hala erabaki genuen, spotean ikusten den historio txikiaz gain, euskal kulturako pertsonaia esanguratsuen mezu zuzenak txertatzeak ere indarra emango ziola emaitzari. Anje Duhalde, Ana Urrutia, Jose Angel Iribar, Estitxu Fernandez, Aitziber Garmendia eta Gorka Aginagaldek gustora onartu zuten parte hartzea.

Larraitz Zuazok zuzendu zuen proiektua Ane Rotaetxe eta Juantxu Belokirekin lantaldea osatuz, lehena produzio buru eta bigarrena irudiaren arduradun izan zirelarik. Musikaren sortzailea Joxe Mendizabal izan zen eta bete betean asmatu zuen lanarekin; abestiak emozioa gehitzen dio emaitzari.