Bilbao Digitala

Bilboko Udalaren Bilbao Digitala programaren aurkezpenerako egin genuen bideo sorta.

Udaletxeak hiritarrekin modu berritzailean komunikatzeko egin zuen apostua ikusirik, geuk ere ildo beretik joan behar genuela ulertu genuen. Hortaz, hiri modernoa aurkeztea ezinbestekoa zen; teknologia era aro berriei egokitzen den hiria hain zuzen ere. Horretarako irudi erreala eta animazioa nahastu genituen. Grafikoek mugimendua ematen diote hiriari eta aldi berean irudi berezi eta teknologikoa lortu genuen.

Ondorengo minutuetan, irudi erreala desagertu egiten da eta grafiko animatu hutsekin adierazten dira hiritarrak jaso beharreko azalpenak. Modu errazean baina dinamismoari eta estetika berritzaileari uko egin gabe, beste era batera astunagoak izango liratekeen azalpenak ematen zaizkio ikusleari.