Berri Txarrak

Berri Txarrak taldeak Haria Tour 2012-2013 bukatutakoan zaleei bideo hau eskeini nahi izan zien hileetan jotako 107 kontzertuetara joatearren.

Horretarako Bilboko Kafe Antzokian eman zuten azken kontzertua grabatu genuen eta beraien musikaren ritmora doan bideo hau editatu genuen planorik hoberetank erabiliz. Grabatzeko orduan, arreta berezia jarri genion ikuslegoari. Izan ere, bereziki esan ziguten beraientzako eskerroneko bideo bat zela eta beraiengan zentratua izan behar zuela emaitzak.

Kontzertu aurreko irudiak, prestaketak, agurrak… taldekideen esaldiren batekin nahasten dira. Momentu horretan Haria diskoko azken abestia erabili genuen, Lehortzen. Kontzertua hasten den unean, eta ikusleen salto eta buruen gorabeherekin Makuluak kantuarekin doa edizio azkarra. Bi abestiak letrarik gabeko, ahotsik gabeko bertsioan daude.

Bideoaren postprodukzioan zuri beltzeko irudiak eta koloredunak nahasten dira. Bigarrenen kasuan gainera, eszenatokiko foko eta argi efektuei etekina atera genien kolore efektu eta gama bereziak lortuz.