TELEBISTA
MARTXOAK 7, TA BIHAR ZER?
Euskal Telebistarentzat ekoiztutako saioa
Martxoaren 8aren harira, “Ta bihar zer?” saioaren atal berezia prestatu dugu: “Martxoak 7, Ta bihar zer?”. Izenak adierazten duen bezala, Martxoaren 8aren bezperan emititu zen 22:30etan ETB1en.
Leire Palaciosek gidatuta, Katixa Agirreren gidoiaren laguntzaz, zaintzaz, feminismoaren kapitalizazioaz, zapalkuntza era ezberdinez, amatasunaz eta autodefentsa feministaz aritu dira besteak beste Olarizu Frias, Andikona Ariztondo, Itzea Urkizu eta Ziortza Karrantza. Horretaz gain, Leo Bueriberi kolaboratzaileak martxoaren 8aren inguruko iritziak eta hausnarketak bildu ditu Gasteizko kaleetan.
Gonbidatu bereziak ere izan ditugu, monologoak, musika zuzenean, sketch bat… eskeini digutenak: Miren Gaztañaga, Ainhoa Etxebarria, Irantzu Varela, Mice, eta Erika Olaizola.
Saio berezia eta polita izan da guretzat, gehienbat emakumeen artean egindako proiektua izan delako. Eskerrik asko parte hartu izan duzuen emakume guztiei!
Begira Produkzioak ekoiztutako programa da, Ane Rotaetxe Torrontegik zuzendua. Irudiaren arduran Zirriborro eta Berde aritu dira. Edizioan berriz, Begira Produkzioak.
