Anestesia Digitala

Gure pasioetako bat da bideoklipak egitea. Horregatik, KOBAN taldea bere azken abestirako bideoklipa nahi zuela eta, gugana etorri zenean, berehala hasi ginen ideiak lantzen.

Abestiak, egun bizi dugun saturazio digitalaren aurrean esperimentatzen dugun “anestesia” egoera zalatzen du. Hori dela eta, bidekliparen muinean jarri genuen protagonistak anestesia horretatik esnatu beharra zuela pentsatu genuen lehen momentutik.

Ideiaren garapenerako bi esfera parekatzen dira, erreala, eszenatoki naturaletan grabatutakoa, eta subkonszientearena, horretarako espreski girotutako egoera surrealista batean grabatutakoa. Horretarako ezinbestekoa izan zen K2000 grabaketa estudioen kolaborazio eta eskuzabaltasuna.

Larraitz Zuazo izan da proiektuaren zuzendaria eta muntaia ere bere lana izan da. Irudiaren ardura Berde Produkzioak ekoiztetxeak izan du bere gain. Ana Vega, make up arduradunak izugarrizko lana egin du, protagonistaren egoera desberdinak azalarazteko. Jone Laspiurren presentziak indar haundia ematen dio abestiaren bideoklipari.