163 DÍAS. La huelga de Bandas

1966. urtean, Etxebarriko “Laminación de Bandas en Frío” enpresako langileek Frankismo garaiko grebarik luzeena izango zena hasi zuten. 6 hile iraungo zituen greba hain zuzen ere. Momentu historiko gogorra izan arren, bazen frankismoaren aurkako sentimendu gero eta indartsuago bat gizartean eta, aldi berean, langile nortasuna berpizten ari zen Bizkaiko inguru ezberdinetan. Kontestu honetan, Etxebarri, Otxarkoaga eta Basauriko langileek egindako borroka eredugarri izan zen ondorengo urteetan indartsu etorriko zen langile borrokarentzat.

Garai hartako protagonisten eskutik 163 egun iraun zituen grebaren kontakizuna berreskuratzen du dokumentalak; Frankismoa bera kolokan jarri zuen grebaren kontakizuna.

Dokumentala Larraitz Zuazok zuzendu du eta Doxa Producciones eta ETBren arteko ekoizpena da.