2015eko ekaina
Ze polita izan den azken aste hauetan eskuetan izan dugun proiektua. Aspaldian edizio gelan murgilduta ibili ondoren, Gure Esku Dago ekimenak aukera eman digu grabaketa ekipoak hartu eta kalera ateratzeko!
Aurten ekainak 21ean egingo den ekitaldi itzelerako deialdirako spota enkargatu zigun Ainhoak. Denporaz estutxu ibili arren, lantaldea osatu eta martxan jarri ginen berehala. Aurpegi ezagunak Euskal Herri osoan zehar grabatu ostean Deustuko Erriberan ibili ginen parte hartzera animatu ziren extra talde bikainarekin.
Ilusio haundiz egindako lan honen aurrean Gure Esku Dagori eskerrak ematea besterik ez zaigu geratzen, gugan jarritako konfidantzagatik!
Errealizazio eta edizioa, Larraitz Zuazo / Irudia, Juantxu Beloki / Produkzio arduraduna, Ane Rotaetxe / Zuzeneko audioa, Miguel Ramirez / Audio muntaia, Xanti Salvador / Laguntzaile lanetan, David Castaño
