Erakunde bideoek eraldaketa handia bizi izan dute azken boladan. Urrundu egin dira pixkanaka itxura zurrun eta aspergarritik egungo tendentziekin bat eginik.
IZAN ERE, GURE XEDE-PUBLIKOAREKIN KONEKTATZEKO LENGOAIA EGOKIA ERABILTZEA EZINBESTEKOA DA.
Gaur egun, asko eboluzionatu da zentzu horretan. Orain badakigu ongi aztertzen komunikatzeko aukeratu dugun kanal bakoitzaren kodigoak zeintzuk diren; eta horrela errazagoa da gure mezua modu zuzenean helaraztea. Gazteentzat zuzenduriko bideoak diren, azalpen luzeak erraz emateko bideo bat den, edota arreta berezia behar duen jendearentzat zuzenduriko bideoa den, adibidez, aldez aurretik ondo definitzeak, bideoaren kontzeptu eta estiloa definitzen lagunduko digu.
Adibide honetan ikus daitekeen bezala, bideo batek ez du zertan aspergarria izan Aldundiaren Gardentasun Plana azaltzeko izan arren. Erakundeek gazteekin konektatzeko izan dituzten zailtasunak ere beti izan dira ezagun, baina badaude moduak, ikus-entzunezko lengoaia egokia erabiliz, beraiei ere erakargarria egingo zaien emaitza lortzeko. Tradizioa erdigunean duen bideo bat ere posible da bideo tradizionaletik urruntzea.
Dena delako mezua herritarrei helarazteko egokiena den teknika eta lengoaia aztertu eta erabakitzen lagunduko dizugu. Ondo pentsatutako proiektuak zure publikoarekin konektatuko zaitu, eta gainera, zure identitatea indartzen ere lagunduko dizu.
