A zelako poza! Begira BILBAO AURRERA, Bilbo ikus-entzunezko bitartekoen bidez sustatzeko proiektuen poltsarako aurkeztutako proiektua aukeratuetako bat izan da!
Poltsa honen bitartez, Bilboko Udalak, Arriaga Antzokiak eta Zinebik, Bilboko ikus-entzunezkoen eta zinemaren sektorea babestu, lagundu eta sustatzea dute helburu.
Proiektuan parte hartzeko hainbat abiapuntu planteatu zitezkeen arren, guk dokumental labur batengatik egin dugu apostu. Lehen eta oraingo Bilbori begirada bat artea eta kulturaren inguruko lau protagonisten eskutik. Horretarako, izugarrizko plantela bildu dugu. Ainhoa Artetxe aktorea, Katixa Agirre idazlea, Erlea Maneros Zabala artista eta Gari musikaria (!!!) izango ditugu protagonista, beraien ikuspuntu eta disziplina ardatz hartuta, Bilbok bizi izan duen bilakaeraren inguruko gogoeta egiteko.
