Gaztea maketa lehiaketaren 30. urteurrena dela-eta, web doku interaktibo bat burutu genuen. Orain, berriz, 30 urtetako errepaso batekin gatoz! Bai, 30 urte horietan zehar irabazi duten hainbat talde elkarrizketatu ditugu. Besteak beste, Rafa Rueda (PiL.T.), Xabi Bandini (Kerobia) eta Lore Nekane Billelabeitia (Belako). Gainera, entzulearen saria irabazi zuen Gorka Urbizurekin (Berri Txarrak) egoteko tartea ere izan dugu.
Saioaren gidaritza Gazteako esataria den Ainhoa Vitoriaren esku doa. 30 urte hauetako errepaso labur baten ostean, aurtengo edizioan bidelagun izan ditugun Mirua, Silitia, Sara Azurza eta Udda artistekin batera osatutako dokumentala izango dugu.
Dokumentala ETB1en emitituko da eta dagoeneko bi hitzordu ditugu: abenduaren 28an, 23:30etan eta urtarrilaren 2an, 21:30etan.
Animatu eta gozatu!
