Berriz ere WomenCinemakers Berlineko aldizkariak ale berezia atera du, emakume zinegile independienteen inguruan. Larraitz Zuazori egin diote elkarrizketa besteak beste. Bertan, “Nosotras, Mujeres de Euskalduna” dokumentalaren inguruan luze hitz egiten du zuzendariak. Proiektuaren nondik norakoak azaltzeaz gain, azterketa sakona egin da filmaren hainbat eta hainbat ezaugarri tekniko, estetiko eta kontzeptuen gainean.
Nosotras, Mujeres de Euskalduna dokumentala 2016ko azaroan estreinatu zen, Zinebik bultzaturiko proiektu gisa. Bertan, 80. hamarkadak ezagutu zuen langile borroka indartsuenetako bat gogoratzen da: Euskaldunako borroka. Bereziki, borroka horretan langileen eskubideen defentsan mobilizatu ziren emakume talde baten historioa dakar gogora filmak. Asamblea de Mujeres de Euskalduna izenpean aritu zen emakume talde baten borroka.
